قووتی دڵم بە ماچی دەم و لێوی ئاڵتە
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
1244 بینین
قووتی دڵم بە ماچی دەم و لێوی ئاڵتە
ژینم بە مەدحی غەمزەیی دوو چاوی کاڵتە
سبحەینێ زوو لە مەشریقەوە ڕۆژ کە دێتە دەر
ڕەنگە بڵێم کە شوبهی شوعاعی جەماڵتە
فەرمووی بەسە دە بیبڕەوە بەسیە ناکۆکی
بۆ وەسڵی من بە سۆزی دەروون ناڵەناڵتە
هەرکەس کە عاشقی من ئەبێ چاری مردنە
ئەی شێتە تۆ خەیاڵی شتێکی مەحاڵتە
نایدەم بە تاجی خوسرەوی ئەو دەرک و قاپییە
جارجار کە گوێم لە جوێن و قسەی توند و تاڵتە
یار تینووە بە خوێن و لە تەگبیری قەتڵییە
ئەحمەدناسناوی ئەدەبی ئەوەندە شێتە خەیاڵی ویساڵتە