ئەی وەتەن جەننەتی یا ڕەوزەیی ڕیزوانی تۆ
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
1226 بینین
ئەی وەتەن جەننەتی یا ڕەوزەیی ڕیزوانی تۆ
باعیسی کەیفی دڵە باغ و گوڵستانی تۆ
تۆزەکەت سوورمەیە بۆ چاو و عەبیرە خاکت
ڕاستە گەر بێت و بڵێم قیبلەیی کوردانی تۆ
ئەم گوڵاڵانە کە لەم کێو و کەژە خەیمە ئەدەن
هەموو تەمسیلی ئەکەن خوێنی شەهیدانی تۆ
جێگەیی فەخری هەموو قەومی نەجیبی کوردی
ڕۆح و دڵ پارە و ماڵ گشتی بەقوربانی تۆ
بەچکەکانت هەموو جەنگ ئاوەر و ساحێب فیکرن
هەر بژیت حەقمە بڵێم دایەیی شێرانی تۆ
دەستەیەک لەو بەچەشێرانە کە ون بووبوون لێت
سەد شوکور هاتنەوە ژێر سێبەری سەیوانی تۆ
لە گوڵستانی وەتەندا هەموو وەختێ ئەحمەدناسناوی ئەدەبی
نەغمەخوانە بۆ وەتەن بولبولی خۆشخوانی تۆ