ey weten cennetî ya řewzeyî řîzwanî to
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
1 minutes
1242 views
ey weten cennetî ya řewzeyî řîzwanî to
ba’îsî keyfî diłe baẍ û gułistanî to
tozeket sûrmeye bo çaw û ’ebîre xakit
řaste ger bêt û biłêm qîbleyî kurdanî to
em gułałane ke lem kêw û keje xeyme eden
hemû temsîlî eken xwênî şehîdanî to
cêgeyî fexrî hemû qewmî necîbî kurdî
řoḧ û dił pare û mał giştî bequrbanî to
beçkekanit hemû ceng awer û saḧêb fîkirin
her bijît ḧeqme biłêm dayeyî şêranî to
desteyek lew beçeşêrane ke win bûbûn lêt
sed şukur hatnewe jêr sêberî seywanî to
le gułistanî wetenda hemû wextê eḧmedPen name
neẍmexwane bo weten bulbulî xoşxiwanî to