وا «ڕەشەمێ»یە مڕمیاو مڕمیاوە
لە کتێبی:
پەندەکانی پیرەمێرد
بەرهەمی:
پیرەمێرد (1867-1950)
1 خولەک
1289 بینین
وا «ڕەشەمێ»یە مڕمیاو مڕمیاوە
بۆرە سوار بوونی «داوود» دەم خاوە
«مریەم» بەرنادا هێندە بە جۆشە
تا کەر لە بەغدا نەزەڕێ بۆشە
ئەمە شەرتێکە بۆ منداڵانە
ئێستا تا حەز کەی هێندە ئاسانە
لە خەودا سواری کەر ئیعتیبارە
بەڵام بە دیمەن هەر ئەو سوارە
بورجی پیرێژن ئەمساڵ کەم سەختە
ئەو لە پیاو زۆرتر بە ڕاو و بەختە
ئەگەر بێ و بیکا بەزوقم و سەهۆڵ
هەژارەکانمان چی دەگرنە کۆڵ