ڤەژینبوکس > عەونی > دیوانی عەونی > لە کێ پرسم بڵێم دوێشەو خەوم دی

لە کێ پرسم بڵێم دوێشەو خەوم دی

لە کتێبی:
دیوانی عەونی
بەرهەمی:
عەونی (1914-1992)
 1 خولەک  1118 بینین
زمان:
کوردیی ناوەندی
قاڵب:
غەزەل
کێش:
مفاعیلن مفاعیلن فعولن∪–––/∪–––/∪––
هزج مسدس محذوف
ڕاپۆرتی هەڵە
ڕەوشی پێداچوونەوە:
یەک کەس پێیدا چووەتەوە
دوایین پێداچوونەوە:
2020/05/13 - 13:08
دانران:
2020/05/13 - 13:08
فۆنت:
لە کێ پرسم بڵێم دوێشەو خەوم دی
چییە واتای لە خەو ماهی نەوم دی؟
کە من دیتم بە وێنەی یەک شەوی بوو
بەڵام تاکو بەیانی پرتەوم دی!
لەسەر ئاوێکی ڕوون بووم دەم ڕووانی
بە وێنەی زێڕ و زیو زیخ و چەوم دی
لە ناکاو هاتە خوار هەڵ نیشت هەڵۆیێ
کە دانە و داوی لوول دا خۆم ئەوم دی
فڕی ڕۆیشت بە تاقی ئاسمانا
کە داوی خستە دەریا وەک شەوم دی
کە ئارام بوو نەما هەورە تریشقە،
نەمابوون داو و دانە هەر کەوم دی!