سەرو لافی قەدی تۆی کەوتە سەری
لە کتێبی:
دیوانی عەونی
بەرهەمی:
عەونی (1914-1992)
1 خولەک
1105 بینین
سەرو لافی قەدی تۆی کەوتە سەری
ڕاستی قەدی چەماوە قوڕ بەسەری
خونچە تەنگی دەمی تۆی دیت گریا
زوو بە زوو تیری حەسەد جەرگی بڕی
گوڵ کە زانی بە گوڵی ڕووت ناگا
چوو بە دەم باوە یەخەی دادەدڕێ
شۆڕشی چاوی گەلاوێژی تووە،
مشتەری کەوتە سەما ڕەنگی پەڕی
تۆزی ڕێ مژدەیی شادی پێیە وا
من لە ئێوارەوە چاوم دەفڕێ
قەت هیوای چاکە لە ڕوو ڕەش ناکەم
بێوەژن شادە کە وا قەڵ دەفڕی
عەونیناسناوی ئەدەبی سڵ نابێ لە بەد گۆیی ڕەقیب
لێ گەڕێ لەم دەرە با سەگ بوەڕی