ڕوزی کە من بیم وە مادەر پەیدا
لە کتێبی:
چەپکە گوڵ
بەرهەمی:
شامی کرماشانی (1917-1984)
1 خولەک
1837 بینین
ڕوزی کە من بیم وە مادەر پەیدا
قەومان وە شادی وەخت بی بوون شەیدا
شوکر خوداوەند وەجا ئاوەردەن
جەشنی وە شادی من بەرپا کردەن
شەوِ یازدەهوم ساعەت کەردەن خوەش
ناو بەندە نان شامیناسناوی ئەدەبی ستەمکەش
تا من وارد بیم وەی محنەتسەرا
وەی دونیای پوڕ جەور، پوڕ وە ماجەرا
هەنووز نەشناسوم چەپ و ڕاسِ دەست
دەستِ جەهاندار جەهانبینم بەست
سێ ساڵە نیمە تفڵ خاروزار
مادەرم وە دەرد سەختی بی دوچار
شەش ماهـ تەمام وەبان جا بی
عاقبەت دەوای دەردش فەنا بی
من مەنم ئەڕای جەفای زەمانە
پەی تیر تەعنەی خیش و بیگانە
لە بەعدەز دە ساڵ فەوت مادەرم
خاک یەتیمیش ڕشیادە سەرم