řuzî ke min bîm we mader peyda

From the Book:
Çepke Guɫ
By:
Shami Kermashani (1917-1984)
 1 minutes  1310 views
řuzî ke min bîm we mader peyda
qewman we şadî wext bî bûn şeyda
şukir xudawend weca awerden
ceşnî we şadî min berpa kirden
şewî yazdehum sa’et kerden xweş
naw bende nan şamîPen name sitemkeş
ta min ward bîm wey miḧnetsera
wey dunyay puř cewr, puř we macera
henûz neşnasum çep û řasî dest
destî cehandar cehanbînim best
sê sałe nîme tifił xaruzar
maderim we derd sextî bî duçar
şeş mah temam weban ca bî
’aqbet deway derdiş fena bî
min menim eřay cefay zemane
pey tîr te’ney xîş û bîgane
le be’dez de sał fewt maderim
xak yetîmîş řişyade serim