ڕوزی کە من بیم وە مادەر پەیدا
از کتاب:
چەپکە گوڵ
اثر:
شامی کرمانشاهی (1917-1984)
1 دقیقه
996 مشاهده
ڕوزی کە من بیم وە مادەر پەیدا
قەومان وە شادی وەخت بی بوون شەیدا
شوکر خوداوەند وەجا ئاوەردەن
جەشنی وە شادی من بەرپا کردەن
شەوِ یازدەهوم ساعەت کەردەن خوەش
ناو بەندە نان شامیتخلص ستەمکەش
تا من وارد بیم وەی محنەتسەرا
وەی دونیای پوڕ جەور، پوڕ وە ماجەرا
هەنووز نەشناسوم چەپ و ڕاسِ دەست
دەستِ جەهاندار جەهانبینم بەست
سێ ساڵە نیمە تفڵ خاروزار
مادەرم وە دەرد سەختی بی دوچار
شەش ماهـ تەمام وەبان جا بی
عاقبەت دەوای دەردش فەنا بی
من مەنم ئەڕای جەفای زەمانە
پەی تیر تەعنەی خیش و بیگانە
لە بەعدەز دە ساڵ فەوت مادەرم
خاک یەتیمیش ڕشیادە سەرم