ڤەژینبوکس > مەلا مستەفای عاسی > دیوانی عاسی > قەسیدە > موژدە بۆ ئەربابی ئیمڕۆ وا بەھار تەشریفی ھات

موژدە بۆ ئەربابی ئیمڕۆ وا بەھار تەشریفی ھات

بۆ نەورۆزی ساڵی 1937 ئەوەم نووسی:
لە کتێبی:
دیوانی عاسی
بەرهەمی:
مەلا مستەفای عاسی (1885-1975)
 3 خولەک  692 بینین
زمان:
کوردیی ناوەندی
قاڵب:
قەسیدە
کێش:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
ڕاپۆرتی هەڵە
ڕەوشی پێداچوونەوە:
چاوەڕێی پێداچوونەوە
فۆنت:
موژدە بۆ ئەربابی ئیمڕۆ وا بەهار تەشریفی هات
دەست کەنە شایی و زەماوەند ڕۆژی هیوا واهەڵات
ڕۆژی تازەی ساڵی نوێیە عادەتی کوردی دلێر
کاتی خۆشتر وا لە پێشە غەم لە دڵمان دەر دەکات
ئینقیلابی کرد بە زستان جەیشی نەورۆز سەیری کەن
تیپ بە تیپ هەرواخەریکە نێزەبازی وا دەکات
خیوەتی هەڵدا بەهار و چاوی سەرمای وا شکاند
بەفری سەر چیای لێ بە جێ ما هەند بە گورجی و زوو هەڵات
گوڵ نەجاتی بوو لە زستان بەرگی تازەی کردە بەر
لەشکری غونچە و ڕەیاحین بولبولیش کەوتە خەبات
مورغی خۆشخوانی تەبیعەت هاتە نەغمە و چەهچەهە
وا لە سەحرا و چیا و گوڵزار فەرشی خۆشی ڕادەخات
ئیتتیحادیان کرد بە گورجی لەشکری ڕێکی و بەهار
تیپی فیتنە و فەسلی زستان دەربەدەر بوون بۆ وڵات
ئاسمان گریا لەناکاو سەیلی فرمێسکی ڕژاند
خاکی تینوو ڕۆڵەکانی کەوتنە خەندە و هاتەهات
ڕوو لە میحرابی تەشەککور وا مەلەک سەجدەی دەبەن
کورد لەناو گێژاوی فیتنە حەمدولیللا بووی نەجات
سەیری بەیداغی دەماغیان وا لە بەرزایی ئومێد
کاکی بەرزانی چەقاندی بۆ ئەهالی ڕۆژهەڵات
چونکە ناوی مستەفایە بۆیە بەرزە هیممەتی
خادیمە بۆ دینی ئیسلام حوکمی شەرعی وا دەکات
قەت نەما فەرق و جودایی تێکەڵە کورد و عەرەب
بوغز و کینە هیچ نەماوە خاس وعام با تێبگات
بۆ هەموو تەنگانە دائیم پشتیوانی یەک دەبین
دەستی دەبڕین هەر کەسێکی دەست درێژ کا بۆ وڵات
با بژی کوردی عیراقی شێری ناو بێشەی شەرەف
دەنگی فليحيا العربعەرەبی بێ تا لە دنیا دەنگ بدات
بەعزە شیعرێکم قەدیمە من بە ئەلفازی عەرەب
تێبگەن با گەورەکانیان کورد کە داوای چی دەکات
فاعلنوا رسم الاخوة يا روسا العربعەرەبی
خاليا عن كل غش صادقا كل الجهاتعەرەبی
ورنە مەیدانی سەداقەت داکی و بابی دوو براین
نحن اكراد الشمال ليس ياس في اللغاتعەرەبی
مرحبا اهل و سهلا ليث غابات الجنوبعەرەبی
نحن نمر بالشمال و الجبال الراسياتعەرەبی
نبطش بطشا شديدا نحفظ ارض العراقعەرەبی
دين الاسلام شعار نصرنا حسن النياتعەرەبی
فافهموا اهل الشمال و اعلموا اهل الجنوبعەرەبی
غير داب الاتحاد لا سبيل للنجاةعەرەبی
ما رايتم ما رايتم في النفاق بينكمعەرەبی
كم قتلتم كم قتلتم كم فتي ذاقوا المماتعەرەبی
نارەزان گەر بەو قسانە لێم ببوورن کاکە گیان
هەر بڵێن خەڵفاوە عاسیناسناوی ئەدەبی سەیری فیکری چۆن دەکات