موژدە بۆ ئەربابی ئیمڕۆ وا بەھار تەشریفی ھات

بۆ نەورۆزی ساڵی 1937 ئەوەم نووسی:

از کتاب:

دیوانی عاسی

اثر:

ملا مصطفی عاصی (1885-1975)

3 دقیقه 847 مشاهده

زبان:

کردی مرکزی

قالب:

قصیده

وزن:

فونت:

موژدە بۆ ئەربابی ئیمڕۆ وا بەهار تەشریفی هات

دەست کەنە شایی و زەماوەند ڕۆژی هیوا واهەڵات

ڕۆژی تازەی ساڵی نوێیە عادەتی کوردی دلێر

کاتی خۆشتر وا لە پێشە غەم لە دڵمان دەر دەکات

ئینقیلابی کرد بە زستان جەیشی نەورۆز سەیری کەن

تیپ بە تیپ هەرواخەریکە نێزەبازی وا دەکات

خیوەتی هەڵدا بەهار و چاوی سەرمای وا شکاند

بەفری سەر چیای لێ بە جێ ما هەند بە گورجی و زوو هەڵات

گوڵ نەجاتی بوو لە زستان بەرگی تازەی کردە بەر

لەشکری غونچە و ڕەیاحین بولبولیش کەوتە خەبات

مورغی خۆشخوانی تەبیعەت هاتە نەغمە و چەهچەهە

وا لە سەحرا و چیا و گوڵزار فەرشی خۆشی ڕادەخات

ئیتتیحادیان کرد بە گورجی لەشکری ڕێکی و بەهار

تیپی فیتنە و فەسلی زستان دەربەدەر بوون بۆ وڵات

ئاسمان گریا لەناکاو سەیلی فرمێسکی ڕژاند

خاکی تینوو ڕۆڵەکانی کەوتنە خەندە و هاتەهات

ڕوو لە میحرابی تەشەککور وا مەلەک سەجدەی دەبەن

کورد لەناو گێژاوی فیتنە حەمدولیللا بووی نەجات

سەیری بەیداغی دەماغیان وا لە بەرزایی ئومێد

کاکی بەرزانی چەقاندی بۆ ئەهالی ڕۆژهەڵات

چونکە ناوی مستەفایە بۆیە بەرزە هیممەتی

خادیمە بۆ دینی ئیسلام حوکمی شەرعی وا دەکات

قەت نەما فەرق و جودایی تێکەڵە کورد و عەرەب

بوغز و کینە هیچ نەماوە خاس وعام با تێبگات

بۆ هەموو تەنگانە دائیم پشتیوانی یەک دەبین

دەستی دەبڕین هەر کەسێکی دەست درێژ کا بۆ وڵات

با بژی کوردی عیراقی شێری ناو بێشەی شەرەف

دەنگی بێ تا لە دنیا دەنگ بدات

بەعزە شیعرێکم قەدیمە من بە ئەلفازی عەرەب

تێبگەن با گەورەکانیان کورد کە داوای چی دەکات

ورنە مەیدانی سەداقەت داکی و بابی دوو براین

نارەزان گەر بەو قسانە لێم ببوورن کاکە گیان

هەر بڵێن خەڵفاوە سەیری فیکری چۆن دەکات

ڕۆژی یازدەی مانگی ئازار بوو بە خۆشی و ھاتەھات وەرە ئەی دڵ موھەییا بە ئەوا نووری ھیدایەت ھات