کابرایەکی خۆشناو کەرێکی هەبوو لێی ون بوو...
لە کتێبی:
ڕشتەی مرواری (بەرگی ٦)
بەرهەمی:
عەلائەدین سەجادی (1907-1984)
1 خولەک
509 بینین
کابرایەکی خۆشناو کەرێکی هەبوو لێی ون بووبوو گەلێ بە شوێنیا گەڕا نەیدۆزیەوە. ئەمجا لە پاڵ بەردێکا دەستی کرد بە هەڵپەرین و بە دەمیشیەوە گۆرانی وتن. یەک دوو کەس لەوانە کە ئەو لێی پرسیبوون بۆ کەرەکەی، هاتن بە سەریا و لێیان پرسی ئەمە چییە؟ یەکی کەری لێ ون ببێ وا ئەکا؟ وتی: «خارینە! ئەنگۆ نایزانن. من وا دەکەم لۆ ئەوەی کەرەکێکم لە بنە تاشێکا بە چاوە خۆ ببینێ کە من چ بە تەنگیەوە نیمە، ئەمجا لۆ خۆی بێتەوە لو مارێ».