گەر مەتڵەعە بۆ ماهی موقەننەع، چەهی نەخشەب
لە کتێبی:
دیوانی ئەدەب
بەرهەمی:
عەبدوڵڵا بەگی میسباح دیوان (1859-1916)
1 خولەک
1299 بینین
گەر مەتڵەعە بۆ ماهی موقەننەع، چەهی نەخشەب
ماهی مە، تلووعی لە چەهی غەبغەبە هەر شەب
گوڵزاری جەمالە، موتەشەکیل بە دوو سونبول
یا بەدری درەخشندە، لە مابەینی دوو عەقرەب
ئەی سەروو چەمانی قەمەریی، نووری قەمەر ڕوو
ئەی خونچە دەهانی شەکەری نوتق، شەکەر لەب
تاکەی بەجەفا؛ ئێمە خەتابار و گونەهکار
تاکەی بە ستەم، ئێمە گرفتار و موعەززەب؟
گەر نوتقە؛ هەتاکەی دەگەڵ ئەغیارە خیتابت
گەر قەهرە، هەتاکەی منی بێچارە موخاتەب
سەد حەیفێ کە بۆ دەردی دڵی مە، دەمی وەسڵت
شەو کورتە و فرسەت کەم و توولانییە مەتڵەب
گەر بادە، فەرحبەخشە، بەیادی لەبی تۆیە
نەشئەی چییە، بێ شەهدی لەبت: جامی لەبالەب!
گەر لۆمەیە، گەر مەنعە، ئەگەر کفرە، گەر ئیسلام
گەر تابعی قانوونە؛ ئەگەر خارجی مەزهەب
تا جان لە بەدەندایە، ئەدەبناسناوی ئەدەبی تۆ دەپەرستێ
زونناری ملم: زوڵفی خەمت؛ قیبلەمە: غەبغەب