وشکە سۆفی بڵێ بە شێخی تەرەس
لە کتێبی:
دیوانی حاجی قادری کۆیی
بەرهەمی:
حاجی قادری کۆیی (1816-1897)
1 خولەک
1549 بینین
وشکە سۆفی بڵێ بە شێخی تەرەس
با بە سەرما نەیێ میسالی هەرەس!
عەجەبا شاعیری نەناسیوە
شێر و عەنقا دەکاتە موور و مەگەس
کەر نەبی! کام پیاوی پێ خەڵەتا،
بەنگرێدان و تابڕین و نەفەس
فەرقی ناکەس لەگەڵ سەگان ناکەم
ها بە عەکسی بخوێنەوە نا کەس
حەز دەکەی تێ بگەی لە بێدینی
ببە دەروێشی شێخەکان بە هەوەس
هەر زەمانێ کە گوێت زرینگاوە
پێت دەڵێ: باری خۆت ببەستە جەرەس
چەندە پوولێ ئەگەر بهێنی ئەتۆ
قەسرت خۆشتر ئەبێ لە ئی هەر کەس
بۆ چی حاجیناسناوی ئەدەبی نەخوێنێ وەک تووتی
ئەم زوبانە هەزاری خستە قەفەس