خەم مەخۆ بۆ نان و خوانت خەڵقی هێشتا نوستووە
لە کتێبی:
دیوانی حاجی قادری کۆیی
بەرهەمی:
حاجی قادری کۆیی (1816-1897)
1 خولەک
1328 بینین
خەم مەخۆ بۆ نان و خوانت خەڵقی هێشتا نوستووە
زاڵەکەی دنیا تەنووری مەشریقی داخستووە
بێخەویم دایێ نەخۆشیم لێ کڕی چاوی، کەچی
وەک من و بەختی سیاهم هەر نەخۆش و نوستووە
لێت دەشێوێ هەر کە زولفەینی پەشێوی لابدا
ماهتابی سەرکەلە یا ڕۆژەکەی سەر بستووە
دڵبەرم بەرمامکی دابوو لە بەر ئێشی ددان
وا دەزانن ڕوومەتیم ئەمشەو لە خەودا گەستووە
تاقەت و سەبرم ئەگەر ڕوویین تەنی ئەفراسیاب
ڕۆستەمی هیجری لە ئەرزی داوە دەستی بەستووە
ئەی سەبا یارم ئەگەر پرسی لە حاڵم پێی بڵێ:
مابوو تا ئەو وەقتە هاتم وادەزانم مردووە
خەم مەخۆ قوربان لە بۆ قوربانی عیدی وەسڵی تۆ
موددەیێکە بەو ئومێدە حاجیناسناوی ئەدەبی خۆی دابەستووە!!