شەهیدی دیدەیی مەخمووری شۆخێکم منی شەیدا
لە کتێبی:
دیوانی سالم
بەرهەمی:
سالم (1800-1866)
1 خولەک
2037 بینین
شەهیدی دیدەیی مەخمووری شۆخێکم منی شەیدا
لە خاکی مەشهەدم نەزدیکە بڕوێ نێرگسی شەهلا
بە مەحزی ئیمتحان دەستم بنێنە باخەڵت یەک دەم
لە بندا بیبڕن ڕازیم ئەگەر نەمبوو یەدی بەیزا
بە ئوممێدی وەفای گوڵ کۆششی بولبول چ سوودی بوو
بەڵایە، ڕامی عاشق کەی دەبێ مەعشووقی بێ پەروا
بە فیکری مووشکاف ئەمشەو قیاسم کرد لەڕووی زوڵفت
بە تاریشی بە توولیشی بەقەد تاری نەبوو یەلدا
لە پەستی بۆ دەکێشن زاهیدی غافڵ چلەی خەڵوەت
بچن عاشق بە باڵا بن بچن بۆ مەرتەبەی باڵا
حەدیسی نەنگ و نامم زوو شوکور مەشهووری عالەم بوو
لە حەرفی موددەعی ناکەس نییە باکم منی ڕیسوا
لە کاری هائیل و سەعبا گورێزە چارەیی مەردوم
وەلێکین سالمناسناوی ئەدەبیی یەکدڵ لە عیشقا ماوە پابەرجا!