لە دونیا، هەر دڵی عیشقە سەمەندۆک
لە کتێبی:
دیوانی ڕاجی
بەرهەمی:
ڕاجی (1912-1969)
1 خولەک
107 بینین
لە دونیا، هەر دڵی عیشقە سەمەندۆک
تەنی پیر و ڕزیو و وشک و قرچۆک
ئەسیری زەلزەلەی چاوی نیگاران
تەوەللا بوون لەسەر پەنجەی ترنجۆک
کە دەرماناوە نەشئەی باغی جەننەت
نیشانەی کەوسەرە ئاوی «چنارۆک»
چەمانی «کۆیە»، فەخری ڕۆح و ڕەیحان
شەراب و شیرە سەرچاوەی «حەمامۆک»
وەرە ساقی، بە نەشئەی دەست و پەنجە
وەرە موتریب، بە ئاوازی ڕەبابۆک
لە بەزمی قامەتی سەروی خەرامان
چراغی شاهیدانی باغی بابۆک
بە نوکتەی تازەیی باریکی ڕاجیناسناوی ئەدەبی
سەری بووکی مەعانی کەوتە سەر چۆک