ئەی دڵ، چ ئەبەستی تۆ تەعەللوق بە مەحاڵات؟
لە کتێبی:
دیوانی ڕاجی
بەرهەمی:
ڕاجی (1912-1969)
1 خولەک
183 بینین
ئەی دڵ، چ ئەبەستی تۆ تەعەللوق بە مەحاڵات؟
گەر نەقدی تەڵەب کاسیدە، بۆ چیمە خەسارات؟
تا جەرگی من و دیدەیی تۆ مەستی حیسابن
ئاگرگرە دڵ، لەم قەسەبەی کۆیی عیبادات
ساقی وەرە تاڵانی سەرم کە، سەر و ماڵم
نەک خەرجی بکا چەرخی سەما، فیتنەیی ئەوقات
یا لەشکرە، یا زائیبەیی سەروی ڕەوانن
ئەم دەستەیی زوڵفانە، لەسەر قامەتی ڕەعنات
گەنجی دڵی وێرانە، کە وێرانی نیازە
ماچێکی دەمت بەس بوو، کە نەتکردە موافات
دڵ حازرە بۆ موڵکی تیجارەت، بە تەفائول
وا کەوتە سەفەر قافیلەیی فیکر و خەیاڵات
بەم زوڵفە، ئەگەر قابیلی خنکاندنە ڕاجیناسناوی ئەدەبی
ساتێ مەکە تەئخیری قەنارەی قەد و باڵات!