وام ئەوێ من لە خودای جیلوەدەری لەیل و نەهار
لە کتێبی:
ڕۆحی مەولانا خالید
بەرهەمی:
پیرەمێرد (1867-1950)
2 خولەک
623 بینین
وام ئەوێ من لە خودای جیلوەدەری لەیل و نەهار
مەدحی «شا»م بۆ بکرێ گەرچی کە نایێتە شمار
شاهێکی وا کە لە ڕەزما دڵی وەک پوڵایە
گاهی بەزمیش کەڕەمی زیاتر، لە هەوری بەهار
سیفەت و مەنقەبەتی، خالقی بێچوون فەرمووی
مەدحی ناوێ ئەو، ئەمە ئایەتی «قُلْنَا يَا نَارعەرەبی»
لە سەخادا لەقەبی حاتەمی تەی «واطئعەرەبی» بوو
ئەم ئەوی خستۆتە دوواوە بە شەڕافەت سەد بار
- - - - - - - - - -دەقی نائاشکرا
- - - - - - - - - -دەقی نائاشکرا
لوتفی ئەو عامە لە ئاقاری هەموو خەڵکی جیهان
عەڕەب و کورد و عەجەم، تاجک و تورک و تاتار
کاتی سواری بە هونەرمەندی لە ڕەخشی ڕەهوار
سەد وەکوو ڕوستەمی دەستان ئەکەوێتە هاوار
قینی هەڵسێ بە ڕمی کوردیەوە حەملە بەرێ
خەسم ئەترسێ وەکوو کێچی بکەوێتە شەڵوار
دەستی شێرانەی ئەگەر هێزی بخاتە سەر کێو
کێو ئەجووڵی هەڵئەچۆقی وەکوو پیاوی لەرزدار
- - - - - - - - - -دەقی نائاشکرا
- - - - - - - - - -دەقی نائاشکرا
تیف تیفەی بۆ چییە ئاوێنەی ڕۆژی ڕووناک
مەدحی ناوێ، بە دوعا چاترە خەتمی گوفتار
خوایە بۆ حورمەتی پێغەمبەری نەعتی «لَوْلاكعەرەبی»
هەم بە چاکانی شەبوستانی سوپەهری دەووار
هەم بە تیپی مەلەک و دەستەیی ئەسحابی ڕەسووڵ
بە چرای ڕەوشەنی ئارامگەهی هەشت و چوار
بە تەوەللایی ئەوانەی کە لە عالەم بەدەرن
بە تەمەننایی کەریمانی لە دونیا بێزار
خۆیی و قەوم و کەسی ئەو داوەری دینە دوور بن
لە خراپە و زەرەر و سەدمەیی چەرخی دەووار
تا ئەبەد ساحیبی فەرمان بێ لەسەر تەختی شەهی
دوشمنی کوێر و کز و بێ دەس و لاواز بێ، هەژار
ئەفسەری شاهی لەسەر، شاهیدی بەختیشی لەبەر
تا لە سوڕانەوەدا خولی ئەبێ لەیل و نەهار
لە جیهانا نییە عەیبم ئەمە ناڵێم کە نییە
جام لە جام قەند و سەمەرقەند و بوخارا و قەمار
خالیدناسناوی ئەدەبی! بەم شەکەرەی شیعر و قسەی شیرینەت
خوسرەوت بێتە کەڕەم دوور نییە بۆت بێ بە قەتار