دەر حەق مە ب شیرێ خوە مەکە تەقسیرێ
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
551 بینین
دەر حەق مە ب شیرێ خوە مەکە تەقسیرێ
نابت د شوغلا مە بکی تەئخیرێ
توغرایێ هومایوون کو دکن توررەیێ ئەمر
زولفا تەیە ئانین ژ خەتا تەحریرێ
حوسنا تە نزانم ب چ تەشبیهێ بکم؟
«فی أحسن تقويمعەرەبی» لەو هاتییە تەفسیرێ
سررا تە ل دێم ئایەتێ کوبرایە نەشێم
لێ نەقل و روایەت دکرم تەغسیرێ
گەر قەلبێ حەقیقەت نییە یەکجار چڕا
عشقا تە کرین زیر و زەبەر ئکسیرێ؟
ما قودرەتێ دەفعێ هەیە وەر شێرێ عەلی بت
لامع کو بدت ساعقەیا تەقدیرێ؟؟
بێ قودرەتێ تو، قووەتێ مەخلووقی چ کت
مەمنووعە ل نک عەقل کو بکت تەئسیرێ
نەی بەستێ تلسمێ مە ب سەد خانە برت
قادر هەیە عارف بکرت تەقریرێ؟!
بەر دلبەر و لەب بەر لەب و ئەندام ل یەک
خەونا مە ب یارێ بدنێ تەعبیرێ
زاتی ژ وجوودا مە سەبەب وێ تو دزانی
نائێتە حسابێ فەلەکێ تەدویرێ
ئاتەشپەرەسێ وادییێ عشقین و عەجەب
دینارپەرەس وێ دبرن تەکفیرێ
محرابێ دو برهێن تە ببینت عارف
نییەت چ ب جهـ بت دەما تەکبیرێ
زانم تە چ مزراق ڤ دل کەفتییە لێ
جارەک تو گۆیی د دەربێن تیرێ
تەقدیرێ کو حوکمی ل مەلێناسناوی ئەدەبی جاری کت
قەت کەس هەیە مومکن بدەتێ تەغییرێ؟!