ڤێ فورقەتێ ئەبتەر کرین
لە کتێبی:
دیوانی مەلای جزیری
بەرهەمی:
مەلای جزیری (1570-1640)
3 خولەک
798 بینین
ڤێنوسخەکانی تر: وێ فورقەتێ ئەبتەر کرین، فەریاد ژ دەستێ فورقەتێ
ژار و زەعیف و زەر کرین، فەریاد ژ دەستێ فورقەتێ
پوڕ زەر کرین وەک زێڕ مام، چەهڤێن ب لوتفێ پیر مام
دائم ژ ڕێ چاڤنێر مام، فەریاد ژ دەستێ فورقەتێ
چاڤنێری ڕەفتارا تە بووم، موشتاقی گولزارا تە بووم
لەو دوور ژ دیدارا تە بووم، فەریاد ژ دەستێ فورقەتێ
دوور بووم ژ وێ رەفت و چونێ، وان عشوەیان گوفت و کەنێ
نایێ ب چەهڤان من دنێ، فەریاد ژ دەستێ فورقەتێ
دونیا ب من مژ بوو و غەمام، خەو ژی ل چەهڤان من حەرام
عومرەک ب ڤی حالێ هە مام، فەریاد ژ دەستێ فورقەتێ
ساعەت ل من تێک سال بوون، دائم ل سەر دەست فال بوون
حەرفێن دهاتن دال بوون، فەریاد ژ دەستێ فورقەتێ
ئیرۆ تنێ دەرهات ئەلیف، مەعنا دچوو بەژنا شەریف
یا خارە لێ کەمخە و قەدیف، فەریاد ژ دەستێ فورقەتێ
ڤێ فورقەتێ پوڕ دل شەواند، جەرحێن قەدیم دیسا کەواند
شیشێن د سۆر تا تا تەواند، فەریاد ژ دەستێ فورقەتێ
داغێن مە دیسا ڕەش کرن، یەک یەک ژ نوو ئاتەش کرن
لێ زێدە پەنج و شەش کرن، فەریاد ژ دەستێ فورقەتێ
سەودا وسەوسنوسخەکانی تر: و بێ هۆش و گێژ کرم، پوڕ هەر د دل خوونڕێژ کرم
چەندان وە بووم لێ هێژ کرم، فەریاد ژ دەستێ فورقەتێ
«باللهعەرەبی» ژ نالە و زارییان، گەزمێن د وان خوممارییان
خەو ناکرین شەڤ تارییان، فەریاد ژ دەستێ فورقەتێ
شەڤ بوو د نێڤنوسخەکانی تر: دنێ زڤنگی چەشمێن مە دا، حەتتا بە شیرنوسخەکانی تر: ب سەر مزگین دا
دێ بێ سەحەر شاهێ گەدا، فەریاد ژ دەستێ فورقەتێ
مزگین کو دا من ئەڤ قەدەر، رووحێ شرین من هاتە سەر
خەیلەک ل من ڕۆن بوون بەسەر، فەریاد ژ دەستێ فورقەتێ
ڕۆن بوو ب دیدارا تە دل، بوو غەرقێ ئەنوارا تە دل
نارەت ژ فەروارا تە دل، فەریاد ژ دەستێ فورقەتێ
مننەت مە دلدارێ خوە دی، دیسا ژ نوو یارێ خوە دی
سولتان و خوندکارێ خوە دی، فەریاد ژ دەستێ فورقەتێ
ڕەش کاکولێ سونبول چەڤین، مننەت مە دیسا غەم ڕەڤین
نوو بوو ل دل حوبب و ئەڤین، فەریاد ژ دەستێ فورقەتێ
دەردێ غەدار بێم فورقەتە، فورقەت ژ جان پوڕ زەحمەتە
یا سەهل کو عاشق ڕوح دەتە، فەریاد ژ دەستێ فورقەتێ
نارێ فراق و سوهتنێ، ئێشا خەدەنگا نوهتنێ
پورس کن ژ عوششاقان تنێ، فەریاد ژ دەستێ فورقەتێ
عاشق ئەون هەر دەم مرننوسخەکانی تر: هەر دمرن، چەند یەک د ڕەمزێن دلبەرن
کەیبڕ ل دل من بهترن، فەریاد ژ دەستێ فورقەتێ
نارێ فراق و سوهتنێ، ئێشا خەدەنگا نوهتنێ
پوڕس کن ژ عوششاقان تەنێ، فەریاد ژ دەستێ فورقەتێ
شەوقە ب ڕەمز و ئاورن، عاشق هەڕۆ جارەک مرن
لەوا کو ئەو هەر دلگرن، فەریاد ژ دەستێ فورقەتێ
یا رەب ب دیدارا خوە کی، من واسلێ یارا خوە کی
بەس سوهتییێ نارا خوە کی، فەریاد ژ دەستێ فورقەتێ
مە ژ دۆستێ ساتەک دوور نەکی، پەرکەندە و مەهجوور نەکی
دیسا ژ نوو دل هوور نەکی، فەریاد ژ دەستێ فورقەتێ
کەیبر دهاتن سەد وەلێ، هاتییە نێڤ ئەحمەد دلێ
لەو کوشتنە سەد وەک مەلێ، فەریاد ژ دەستێ فورقەتێ
خاکا ڕییا دلبەر مەلاناسناوی ئەدەبی، بکشین د چەهڤان وەک جەلا
دیدار قسمەت بوو هەلا، فەریاد ژ دەستێ فورقەتێ