ئیرۆ ژ نوو پوڕ ئاتەشم، دیسا ژ ڕەمزا دلبەرێ
لە کتێبی:
دیوانی مەلای جزیری
بەرهەمی:
مەلای جزیری (1570-1640)
4 خولەک
794 بینین
ئیرۆ ژ نوو پوڕ ئاتەشم، دیسا ژ ڕەمزا دلبەرێ
مەجرووحێ قەوسێ پوڕ وەشمنوسخەکانی تر: پەڕوەشم، تیر دانە نێڤا جەگەرێ
تیر دان ژ قەوسێ ئەسوەدە، شەهزادەیا شیرین قەدە
کوشتینە وەک من دەهـنوسخەکانی تر: چەند سەدە، وێ پادشاهـ و بەگلەرێ
وێ بەگلەرێ پوڕ کوشتنە، ئەنگوشت ب خوونێ ڕشتنە
ما ئەهلی دل قەت هشتنە؟! سوهتینە مسلی مەجمەرێ
لێ ئەز تنێنوسخەکانی تر: من جان هەمی سەر تا قەدەم، یەکسەر دسوژم دەم ب دەم
وەسفێن د عشقێ ئەز چ دەم؟ نایێن حساب و دەفتەرێ
وەسفێن ئەڤین و عشقەهێ، حوسن و جەمالا وێ شەهێ
نایێنە شەرح و مەدەهێ، ئەحسەن ژ نەقشێ بەششەرێ
ئەحسەن ژ حوسنا دێم دوڕێ، شیرینی و گوفت و سوڕێ
سەد زاهد ئێخستن ژ ڕێ، وێ نازک و لەب شەککەرێ
شەککەر د نێڤ لێڤانە وێ، رەیحان ل دۆر سێڤانە وێ
مەشعەل د نێڤ شێڤانە وێ، تەیسێ ژ ڕەنگێ فەنەرێ
فەنەر نییە نوورا حەقە، حوسن و جەمالا موتلەقە
بەرقا سپێدە و شەفەقە، زوهرە و شەمسا خاوەرێ
زوهرە و ماهـ و موشتەری، من دین ل دێمێ ئەنوەری
زولفا موسەلسەل عەنبەری، سەر دایە حەوزا کەوسەرێ
حەوزا ژ کەوسەر چەشمە تێ، یا جهـ د رەوزا قودرەتێنوسخەکانی تر: نەقشێ ژ سونعێ قودرەتێ
هەردەم ژ نوورێ سەر دەتێ، خەمری و تایێن عەرعەرێ
خەمری د ڕەش بسکا حەریر، وەربوون ل دۆر بەدرا مونیر
بورجا کو حاکم لێ دو میر، من دین ل تەختێ کشوەرێ
تەختێ دو میر و بەگلەران، مەیدانێ جۆقا گۆی گەڕان
ئەسلان و جۆتێ مەی خوەران، مەی دان شەرابا ساغەرێنوسخەکانی تر: من دی د شوربا ساغەری
ساغەر ب دەست سەرخوەش و مەست، وەقتێ سەحەرگەهـ دەست ب دەست
غەفلەت دو بەگلەر مەیپەرەست، کوشتم ب دەربا خەنجەرێ
کوشتم ب دەربا کەیبڕان، گەزمە و خەدەنگا ئاوڕران
رەمز و ئشارات و سوڕان، دان دل ژ نێڤا پەنجەرێ
دان دل ژ بەر حوسنا ب نوور، بەرقا تەجەللایا سودوور
لەو سوهتیەم وەک کووهێ توور، حوبب و ئەڤینا ئەنوەرێ
حوببا تە ما خوەش هشتمە، هەر ڕۆژ ژ نوو ئەز کوشتمە
یەکسەر ژ خوونێ ڕشتمە، تیر و خەدەنگێن مەجەرێ
گەزمێن د شیرین نازکێ، دەربێن د وێ ڕمبازکێ
چوویینە نێڤ دل گازکێ، من داد ژ زولما دلبەرێ
دلبەر چ بێحەد زالمە، جارەک نەکت پورسێ ل مە
لازم ب حالی عالمە، لێ پوڕ ددیرت غەدەرێ
لازم ب قەتلا من دڤی، هێژ ئەڤ د دل مارێ شەڤی
پەیکان د جەرگی دا چەڤی، بەند کر ب شەوکا عەنبەرێ
بەند کر کولاب و پەنجەیان، دل ما د نێڤ ئشکەنجەیان
من ئاهـ ژ دەست وان غەنجەیان، کۆک و کوبارێن دینبەرێ
ڕەمز و سوڕێن شیرین لەبان، تیڕێژ بەرقێن کەوکەبان
ڕێزا موسەلسەل عەقرەبان، گەڕ دان ل دۆرا قەمەرێ
من دین ل دۆر بەدرا تەمام، حەرفێن د مەکتووب دال و لام
وێ پیشرەوێ باتن ڕەڤام، یەغما کرم سیمین بەرێ
سیمین بەرا نەیشەککەری، ئەو حوورییا نسبەت پەری
بەژنا شیرین دێمێ زەری، بوو ژ گولاب و ماوەرێ
بوو ماوەر و شیرین لەبێ، وێ خووب و نوورین غەبغەبێ
بەدرا د بورجا عەقرەبێ، کەنگێ ژ بەر پەردێ دەرێ
بەدرا ژ قودرەت لێ دو نوون، ئەو قاتلا ئەسوەد عویوون
پوڕ ڕاکرن وێ قەتل و خوون، عالەم پەریهت یەغماکەرێ
هەردەم ب زولمێ وە دسوژی، قەلبێ ژ حوببا تەی تەژی
لازم دبێم من دێ کوژی، کەس نینە چیتن مەهدەرێ
کەس نینە رەت مەهدەر بکت، بەس گرتییان ئەبتەر بکت
خەملێ ژ زێڕێ زەر بکت، شەفقەت ل یەکتا بدەرێ
شەفقێ ب دیدارێ خوە کت، قەستا بریندارێ خوە کت
شەهیدێ ڕەشمارێ خوە کت، ئێ سەر ل فتلا پیشتەرێ
فەتلێن سیەهـ مارێ شەڤین، رەیحان ب دۆر سەر وان چەڤین
ئاخر ب سەلوێ دا ڕەڤین، خەف بوون د تایێ چەنبەرێ
خەف بوون د نێڤ تۆرا قزل، ئیلان مسالن سەر ل مل
کوشتین و ژەهر ئاڤهتە دل، هێژ کوشتییێن ڕەمزا بەرێ
کوشتینە ئەم شیرین لەبێ، تەحلی کەشین رووز و شەبێ
گەر ئەز ببینم ئەو ب خوە بێ، ناکم ژ دل هێژ باوەرێ
ئەو نازکا نسبەت گولێ، جامەک ژ کەوسەر دا مەلێناسناوی ئەدەبی
مەستم ژ بەر «قالواعەرەبی» بەلێ، حەتتا ب ڕۆژا مەحشەرێ