مزگین ژ مەڕا بێت ژ سوڕ شرینێ
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
338 بینین
مزگین ژ مەڕا بێت ژ سوڕ شرینێ
جانێ خوە یێ شیرین ددرم مزگینێ
سەد چین د خوە دا گرتییە زولفا تە ب چین
شعرا مە وە حەق لەو چوو حەتا ماچینێ
نەقشێن فەلەکان گوهـ ددرن ڤێ نەزمێ
تەنها نە بەشەر هەر دکرن تەحسینێ
عشقێ ژ خودێ دا تو بخوازی ژێڕا
گەر دێ ل نەیارەک خوە بکی نفرینێ
یەک سەجدە تنێ فەرزە د دینێ عشقێ
بن بەر قەدێ یارێ د مەجالێ دینێ
عاشق کو ب دل فاتحەیا عشقێ خواند
ئایات یەکا یەک دکرن ئامینێ
مە ژ لەعلێ لەبێ یارێ ڤەخوار ئاڤێ حەیات
ئەغیار بلا تێک بچن دارینێ
لازم ب خوە ئایینەیێ «روح الْقُدسعەرەبی»ی تو
لەو کەس نەدیین حووری ب ڤێ ئایینێ
جائز ب تە «مِنْ حَيْثُ البَشَرْعەرەبی» نسبەت دان
بهن و شەفەق و نازکییا نەسرینێ
ئەڤ ڕەنگە فەساحەت ژ بەشەر سحرێ حەلال
ئعجازێ بەیان ئانییە بەر تەدوینێ
دا نالە و ئاهێن مە ژ دل سەح بکری
وەر گوهـ بدە هنداڤی سەرێ بالینێ
فەرهادکەس دزانت تو ژ پەرویزکەس مە پورس
ئەتوارێ غەمێ عشق و سوڕا شیرینێ
بێ نوقتە نەهن دائرە ئحسان کە مەلاناسناوی ئەدەبی
دەووار چ کت دائرەیا تەکوینێ!