«صباح الخیر»
لە کتێبی:
دیوانی مەلای جزیری
بەرهەمی:
مەلای جزیری (1570-1640)
3 خولەک
932 بینین
«صَباحُ الْخيرعەرەبی» خانێ من، شەهێ شیرین زەبانێ من
تویی ڕووح و ڕەوانێ من، ببت قوربان تە جانێ من
«تعالی اللهعەرەبی» چ زاتی تو، چ وێ شیرین سفاتی تو!
نە وەک قەند و نەباتی تو، یەقین رووح و حەیاتی تو
حەیات و راحەتا جانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
«صَباحُ الْخيرعەرەبی» مەستا من، لەتیفا جام ب دەستا من
خومار و مەی پەرەستا من، تویی مەقسوود و قەستا من
ژ مەقسوودان تویی بەس من، ببن بەر چەرخێ ئەتلەس من
ژ غەیرێ تە نەڤێت کەس من، ب ڕەشتۆزێن موقەووەس من
د بەندا زولفێ چەوگانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
ژ وێ زولفێ ژ وێ بەندێ، ڕەها بم لێ ژ پەیوەندێ
سیەهـ چەشمێ سپی زەندێ، تە سوهتم شوبهەتی فەندێ
شوبی شەمع و شەمالم ئەز، ژ بەر حوببا تە لالم ئەز
زەعیفم وەک هلالم ئەز، سفەت گۆیین دکالم ئەز
ڤ بولبول ڕا ب ئەفغانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
ڤ بولبول ڕا شەڤ و ڕۆژێ، ل سەر وێ تەرح و بشکۆژێ
ئەنی ماهێ شەفەق ڕۆژێ، تە سوهتم شوبهەتی دۆژێ
کو دوورم ئەز ژ وێ حوورێ، تنێ جارەک ل سەر سوورێ
ژ وادی ئەیمەنا توورێ، تەجەللا کر د نێڤ نوورێ
ژ وێ سوهتی دل و جانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
ژ حوسنا وێ تەجەللایێ، یەدێ بەیزا و بالایێ
چ وەسفان بێم خەبەر نایێ، وەلێ دل جەزبەیێ دایێ
نە هشیارم ژ وێ بەرقێ، ژ زەرتاجێ ل سەر فەرقێ
سپێدە دا هەتا شەرقێ، بەلێ نائێخمێ فەرقێ
ژ زەربێ عشقێ نالانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
زەریفی نازکی شەنگی، سفەت حووری پەری ڕەنگی
ب ڕۆژێ ڕا تو هەڤدەنگی، دو ڕەشتۆزێن سیەهـ یەنگی
کشاندن لێ نە وەک جاران، خەدەنگێن قەوسێ نووباران
ژ ڕەنگێ شیر و مووکاران، ڕەشاندن سینە وەک باران
ژ وێ زەربێ پوڕ ئێشانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
ڤەکە جارەک خەت و خالان، ل سەر وان مەسنەد و پالان
بخوونە لێ مە عەبدالان، ببینین عید و سەرسالان
ئجازەت دی مە دەستوورێ، پەری ڕەنگێ سفەت حوورێ
د نێڤا زولمەت و نوورێ، بنووشین مەی د فەرفوورێ
ژ دل تالانێ خالانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
ژ شەهکاسا کو قەرقەف تێ، مەیا نوورین موشەررەف تێ
نشانەک دلبەرێ کەفتێ، ژ بۆ من هەر سەحەر خەف تێ
ژ وێ جامێ دنووشم ئەز، سەحەر لەو نەی ل هووشم ئەز
ژ عامێ لێ دپووشم ئەز، ب جان هەر لێ دکووشم ئەز
کو غالب مەست و سەکرانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ
وەرە پێشبەر مەلاناسناوی ئەدەبییێ خوە، شەهید و موبتەلایێ خوە
ب شەفقەت کە لقایێ خوە، مەلا نەمرت ب دایێ خوە
مەسیحایی ل بیماران، کەسێ گەزتی دو ڕەشماران
شەهیدێن شیر و مووکاران، کری ئامانجێ نووباران
ل دیدارا تە حەیرانم، «صَباحُ الْخير يا خانمعەرەبی»
وەرە بیناهییا چەهڤان، ببینم بەژن و بالایێ