نێرگزا مەست و خەرامان د سەحەرگەهـ کو مەشی
لە کتێبی:
دیوانی مەلای جزیری
بەرهەمی:
مەلای جزیری (1570-1640)
1 خولەک
298 بینین
نێرگزا مەست و خەرامان د سەحەرگەهـ کو مەشی
بشکفت سفەت غونچە ژ چارا ئەرەشی
شمشاد ب مەش سووسن و سونبول ب سەما تێن
ئەی سەروێ خەرامان کو تو جارەک بمەشی
ڕۆم و عەجەمێ گرتییە ئۆغلمە ب سەف سەف
جوهتێ موغولان هاتنە جەنگێ حەبەشی
وەک زەررە هەرێ سینە ژ مهرا تە شەفەق دا
بوو شوهرەیێ ئافاتێ ب خورشیدێ وەشی
کی دەستەنوسخەکانی تر: کەی دەستێ ژ قودرەت وە کشاندی وە ڕەشاندی
قەوسێ دو هلالان ل بەیازێ ب ڕەشی؟
چەنداننوسخەکانی تر: چەندی تە بوت ولاتێ نسارێ قەدەمینە
ئعجاز مەکە ڤێ کو تو ژ نەسلێ قورەشی
ئەی دل ژ کەڤانێ هەلەک ئەختەرمە شەهیدی
مننەت کو تو ئەختەرمەیێ قەوسێ ب وەشی
دەربا جەگەرێ بوو کو مە ئەڤ نالە ژ دل هات
ما ئاهـ و فەغانان دکرت کەس ژ خوەشی؟
وەک توولە ل پەی مووچەنوسخەکانی تر: چووم و ل دۆرێ چەرخیم ئەز
چخ کر مە حەبیبێ گۆ: تو ناری بقەشی!
«اللهعەرەبی» چ تەبیعەت بەشەری خوە نە مەلاناسناوی ئەدەبییی
ڤێ جەور و جەفایێ تو پەیاپەی دکەشی