ئیرۆ ژ مورادا تە دلێ من ب برینە
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
465 بینین
ئیرۆ ژ مورادا تە دلێ من ب برینە
«اللهعەرەبی» چ حەبیبی چ تەبیبی ڤەکەوینە
جارەک تو نەزەر دە ل مە مسکین و غەریبان
بەردە تو ژ حەبسێ و ژ زندانێ دەرینە
دائم ژ خەیالا تە مە سەد نالە د دل دا
لەورا ژ مسالا تە چو سۆرگول مە نەدینە
مسلێ تە نە ئادەم وە نە ئبراهیم و نووحە
یووسف ب تە مەحبووب و ل یەعقووبی شرینە
معراجێ تە کر کەس دی نەکر سەدرێ رسالەت
قاسد ژ خودێ ڕا بۆ تە جبریلێ ئەمینە
غەیری تە نەهن دەر سەدەفێ بەحرێ ووجوودێ
لەو لازمە ئەم قەسدێ بکین ڕاهێ مەدینە
زالم ڤەشری کوفر نەما قەت د دنێ دا
جەننەت بوو موزەییەن خەملین حوور و پەرینە
بووبەکر و عومەر هەر دو ژ حوببا تە دنالن
مەقتوول ژ فراقا تە چ عوسمان و عەلینە
شەمس و قەمەران شوعلە ژ ڕوویێ تە ڤەدابوو
یەلمووم ژ تە بوو مۆم و شەمال ژێ ئەیسینە
گاڤا کو تو هاتی بوویە ڕۆناهی ل هەر جا
ئێدی مە نە دی زولم و خرابی ڤەشرینە
ئسمێ تەیە مەکتووب د گەل ئسمێ خودایی
چەند موزنب و عاسی ب وی ناڤی غەفرینە
عەکسێ ژ روخێ تە شەب و رووزان وە دخوازن
هندی کو هەنە جوملەتێ مرئات و ئەیینە
گەر دێ تو نەبوویا نەدبوو چەرخێ ب دائر
سەرگەشتە ژ شەوقێ نە تنێ نەهـ فەلەکینە
فەهما منە قاسر وە نەشێم وەسفێ ئەدا کم
مەدداح ژ تە ڕا خالق و هندی مەلەکینە
جارەک تو شەفاعەت کە ب ناڤێ خوە ژ بۆ من
لەورا کو مەلێناسناوی ئەدەبی غەیری تە ئمداد تو نینە