شۆخ و شەنگێ زوهرە ڕەنگێ، دل ژ من بر دل ژ من
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
1192 بینین
شۆخ و شەنگێ زوهرە ڕەنگێ، دل ژ من بر دل ژ من
ئاوڕێن هەیبەت پلەنگێ، دل ژ من بر دل ژ من
وێ شەپالێ مسک خالێ، دێم دوڕێ گەردەن شەمالێ
جەبهەتا بسکان سەما لێ، دل ژ من بر دل ژ من
زولف و خالان نوون و دالان، وان ژ من بر دل ب تالان
گۆشەیێ قەوسێ هلالان، دل ژ من بر دل ژ من
دێم نەدیرێ بوو عەبیرێ، خەمری و گیسوو حەریرێ
سینە کر ئامانجێ تیرێ، دل ژ من بر دل ژ من
سوڕ شرینێ نازەنینێ، کوشتم و ناکت یەقینێ
وێ ب چەنگالا ئەڤینێ، دل ژ من بر دل ژ من
فەتل و تابان دا غورابان، ئەبلەق و جوهتێ شبابان
دامە بەر پەنجە و کولابان، دل ژ من بر دل ژ من
خوەش خەرامێ ئەز غولامێ، نازکێ شیرین کەلامێ
تووتییا ئەیوان مەقامێ، دل ژ من بر دل ژ من
ماهڕوویێ مسک بوویێ، سوڕ پلنگێ شێر خوویێ
وێ ب زولفا شوبهی گوویێ، دل ژ من بر دل ژ من
هەردو چەشمان ناز و خەشمان، کێ ژ بەر وان عەقل و هەش مان
ساعەتا من دی ب چەشمان، دل ژ من بر دل ژ من
ماهتابێ ئافتابێ، دێم ژ ڕۆژێ، شەب نقابێ
خوەش ب چەنگال و کولابێ، دل ژ من بر دل ژ من
«سرونازفارسی»ێ سەرفەرازێ، شوبهی زێڕ ڕەمزا مەجازێ
دامە بەر چاکووچ و گازێ، دل ژ من بر دل ژ من
بەژن و بالا تۆخ و عالا، من کرن ڤێکرا موتالا
چیچەکا تەرحێن والا، دل ژ من بر دل ژ من
میرێ غازی شیرێ تازی، ڤێکڕا من دین ب بازی
کر ل م ژ غەفلەت ڤە گازی، دل ژ من بر دل ژ من
شیر و خشتن زولف و قشتن، هن ڤەشارن هن وە هشتن
پەهلەوانان دەست ڤەمشتن، دل ژ من بر دل ژ من
روهنییا چەهڤێن مەلاناسناوی ئەدەبییی، ئەو تەجەللایا تە دایی
یا ژ ئەحمەد دل ڕەڤایی، دل ژ من بر دل ژ من