نازکا من د سەمایێ ب سەرئەنگوشتێ عەقیق
لە کتێبی:
دیوانی مەلای جزیری
بەرهەمی:
مەلای جزیری (1570-1640)
1 خولەک
332 بینین
نازکا من د سەمایێ ب سەرئەنگوشتێ عەقیق
دا مە ئیرۆ د سەرایێ قەدەحەک تازە ڕەحیق
مە ژ دەستێ یەدێ بەیزا قەدەحەک سافی ڤەخوار
«شعشَعانی كَنَجْمِ بسناهُ و بريقْعەرەبی»
سررێ لەعلێ لەبێ جانبەخش نزانی تو ب بەحس
«أعِدِ النَظرَةَ يا ناظِرُ فالسَرُّ دَقيقْعەرەبی»
ب لەبێ لەعلێ شەکەرخەندە شکێنا شەکەرەک
«أنا بالْوَعد لَواثِقْ فَلَها الْوَعْدُ وَ ثيقْعەرەبی»
د ڕییا دوڕڕێ مورادێ م سەرێ دانییە ڕێ
«خُضْتُ فی الْبَحْرِ وَ لا زَوْرَقَ و الْبَحْرُ عَميقْعەرەبی»
من ژ غەفلەت سەحەرێ دی و دو ڕەمزان کوشتم
خوەش ب حەققێ خوە گەهشتم «أنَا بِالْقَتلِ حَقيقْعەرەبی»
قەت نەگۆ قەتلە دکم بێ گوننەهـ و مەزلوومە!
«رَشَقتنْی بِنبِال وَرَمتنی بِرَميقْعەرەبی»
تیر و ڕم هەردو ل دل دان ل جەگەر چەسپان کر
ئەو ژ خوونا منە ڕشتی تللییێن سوهرێ عەقیق
سووسنێن تەی تەڕ و نازک ل گولان تەعنە ددن
«فَبِها الْعَنْبَرُ فائح، وبِها المِسك عَبيقعەرەبی»
چ ب کوشتن چ ب هشتن تو کو فەرمان بکری
ئەز ب حوکمێ تە خوەشم «أحْمَدُ عَبدُ وَ رَقيقْعەرەبی»