ئیرۆ ژ شەهکاسا سوڕێ، مەی هاتە فنجانا سەدەف
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
659 بینین
ئیرۆ ژ شەهکاسا سوڕێ، مەی هاتە فنجانا سەدەف
مننەت کو ئیرۆ دێم دوڕێ، دا من مەیا حوسنا خوە خەف
خەف دا مە جاما کەوسەرێ، شێرین قەد و لەب شەککەرێ
بایێ سەبا دا چەنبەرێ، هاتن سەما شەتری و لەف
شەتری و زولف و بەلگ و پەڕ، هەمیان ل دێم دەعوا و شەڕ
ئیلان ل سەلوا بوونە گەڕ، عەقرەب خویان «از هر طرففارسی»
عەقرەب نەهن ئەو سونبولن، بووعەنبەر و داڤا دلن
نیشان ژ مسک و فلفلن، وان سینەیێ من کر هەدەف
دا سینە جوهتێ تیر خوەش، قەوسێ هلالێ تۆزڕەش
یەک تیرێ پوڕ کوشتن ل مەش، خوونێ د جەرحان دایە کەف
من خوون ب جۆ تێتن ژ دل، ئەو بازییێ بێ تۆر و سل
داکەفتە نێڤ تۆڕا قزل، قومری نەهشتن ڕەف ب ڕەف
ڕەف ڕەف نەهشتن زاغ زاغ، دانینە دل من داغ داغ
دێ کی بمینت ساغ ساغ، وەستانە لەشکەر سەف ب سەف
سەف سەف مە دین هندی و زەنگ، جەنگیز هات تەیموورێ لەنگ
خەف وان ڕەشاندن دل خەدەنگ، تەشبیهی تیرێن خان شەرەف
تیرەک ژ قەوسێ مال زراڤ، بێ دل تو وی باڤێژە ناڤ
خوون تێ پوڕی تەشبیهی ئاڤ، فەریاد و ئەفغان سەد ئەسەف
جان دێ بدت ئەو مال خەراب، هەر سینەیی جۆتەک غوراب
تێدا برن پەنجە و کولاب، وی جان د دەست و ڕووح د کەف
جانێ مەلێناسناوی ئەدەبی ڕووحا مەلێ، نوورا ژ قودرەت نوقتە لێ
ڕەمزەک نهین دا من وەلێ، نالی ژ بەر وەک نای و دەف