ژ ڕەعنا نێگزێن تەی مەست و خوونریز
لە کتێبی:
دیوانی مەلای جزیری
بەرهەمی:
مەلای جزیری (1570-1640)
1 خولەک
453 بینین
ژ ڕەعنا نێگزێن تەی مەست و خوونریز
زەمان بوو عەهدێ جەنگ ئەنگیزێ جەنگیز
تە جانێ من دڤێت ئەی جانێ عالەم
ژ من بستین ب لەعلێن خوەی شەکەرریز
دو عەنبەر بوو ل شمشادی ب مەستی
ڤەبەستن لەو هەوا بوو عەنبەرئامیز
ژ ئاخا ئاستانێ مستەکێ بین
ل داغان دا ببینم خوەش سەبا تیز
تنێ فەرهاد دزانت لەززەتێ عشق
کو وی جان دایە شێرینێ نە پەرویز
تولووعا ما ژ بۆ گیتی شەفەق دا
ژ شیرازێ شوعاعێ دایە تەبریز
تەب و تابێ هەزار ئشکەنجە دا دل
ژ شیرازێ نگاهی مەستێ تەبریز
ئیلاهی نێرگزا مەی مەست و نازک
ژ دەستێ خوار و بەدخواهان بپاریز
کو لێ تێت ئەو قەبایێ ئاسمانی
لەتیفا شەنگ و نازک وەک بەلازیز
سەواشەک ڕێهتە دیسا عالەما دل
ب جادوویێ دو چەشمێ فتنە ئەنگیز
خەبائس تەبعە ژاهل سەگ سرشتە
یەقین ئەو کەر ژ جانان لەو دکت بیز
مەلاناسناوی ئەدەبی جانێ تە چاوا پەهلەوان کر
ل تایێن خەمرییان زولفا دل ئاویز
ژ حوسنا بێ نشان نادی نشانەک
نشانی گەر ژ دل نەکرا ب پەرهیز
مەبین ئەڤ گەر ب سوورەت ئادەمینە
حەمی دارن ژ ئێگر ڕا کری ڕیز