عاشق ئەر جارەک ژ بالایێ بدت بەرقا مەجاز
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
799 بینین
عاشق ئەر جارەک ژ بالایێ بدت بەرقا مەجاز
دێ ل نک ساحبدلان حەتتا ئەبەد بت سەرفەراز
کەشفێ ئەسرارێ سفاتان بێ مەحەببەت نابتن
سوورەتێ ئەسما دڤێتن دا بکن ژێ فەهم ڕاز
لامعا حوسن و جەمالێ دێ ژ علمی بێتە عەین
عشق دا ژێ هلبتن کێ دی حەقیقەت بێ مەجاز؟
حوسن و حوب بێ یەک دو نابن دێ بکن شاهـ و گەدا
نوور نادت شوعلەیا مەحموود بێ شەمعا ئەیاز
مەعنەیا عشقێ دزانی ئایەتا حوسنێ بخوون
دا تو حەرفێن موحبەتێ یەک یەک ژ هەڤ کی ئمتیاز
عاشقان بێ گاڤ لەو کالین ژ دل تێن شوبهێ رەعد
وان ژ بالایێ دبارن وەک برووسکان ڕەمز و ڕاز
کی خەبەر دا کت ژ عشقێ کەی ژ بەر وەستان گرت
«گر چه راه از ذره ذره سینه سوز و جانگدازفارسی»
ئافەرین سەد ئافەرین هێ من ژ وان ڕا ئافەرین
ئێ ژ تیرێن دلبەران دائم د دل پەیکان و گاز
گوهـ دە ئاوازێ نەیێ وەقتێ سەما تێن موغبەچە
فەهمێ ڕازێ گەر دکی چاوا دنالن چەنگ و ساز
ئەو دلێ من وەک کەبووتەر نابتن کەس لەومە کت
لەو د ڤێ تۆرێ وە دا کەفتی مە دین سەد شاهباز
وەر دلۆ دا چین تەماشایا جوانانێ چەمەن
وێ هلانی سەر ب ناز و سایەبان دانێ نیاز
سونبول و ڕەیحان ب لەرزن چیچەک و گول سەر گەڕان
نێرگزان کو سەیف پۆشن لەو بنەفشان غونچەباز
زولف و سونبول مشک بووی و بسک و سووسن سڕشرین
«سرو بالافارسی» سەبزپووش و گول نشان و غونچەباز
نێرگزێن قامەت زوموررود سەرگران هاتن خەرام
چار ئەترافان ب ڕەف ڕەف لێ ب مەش تێن سی و قاز
دل ب کێ دم ئەز ژ وان؟ هەر یەک ب غەنجان دل دبن!
دلروبایێن جانفەزایێن دلبەرێن عاشق نەواز
عەقدێ ئحرامێ دەما دلبەر خویا بی «فرض عينعەرەبی»
سەجدەیەک بەر وان دو برهان ناگرت جهـ سەد نماز
عیدە و میرێ مە ئیرۆ دەرگەهێ لوتفێ ڤەکر
گۆ: مەلاناسناوی ئەدەبی هنگی بخوازی دێ بدم بەس تو بخواز