تو دزانی ب خودێ من تو خەیالی شەب و رووز
لە کتێبی:
دیوانی مەلای جزیری
بەرهەمی:
مەلای جزیری (1570-1640)
1 خولەک
1691 بینین
تو دزانی ب خودێ من تو خەیالی شەب و رووز
ب خەیالا خوە مەدام من تو ل بالی شەب و رووز
هەر ب میزان دڕەشینی جەگەرێ تیر و خەدەنگ
ژ نەسەق ساعقە مە ژ قەوسێ هلالی شەب و رووز
مسلی گۆیین تە ڕەوان نالە ژ دل تێن مسکین
ئەم نزانین تو چڕا هەر وە دنالی شەب و رووز
تە ژ فەریاد و فەغانان ب خوە بولبول کەڕ کر
ئەللاهـ ئەللاهـ! ژ چ دەردی وە دکالی شەب و رووز
خوزیا من بدیا ئەو قەد و بالایێ شرین
هەر دەما ئەو کو بمەش تێ ب دەلالی شەب و رووز
دا کو دلبەر قەدەمێ لێ بنهەد ڕەوشەن کت
لەو تو خوونێ وە ژ چەهڤان ڤەدمالی شەب و رووز
تە تنێ زەوق و سەفا کر ب سەیێن دلبەرێ ڕا
سەرنخوون گەهـ شوبی نوون گەهـ وەکوو دالی شەب و رووز
فەتوەیا پیر و مەلاناسناوی ئەدەبی یان تو ب ئلهامێ نەبی
ڤێ مەیێ هەر وە دنووشی ب حەلالی شەب و رووز