هانا

ئێستا.. منی ون لە تەمومژی ڕەشی غوربەتا
گەڵای درەختی گیانم هەڵوەری..
لەناو بڵێسە و گڕی مەینەتادە توخوا وەرە..
بیابانی دڵم.. تینوی کانیاو - شەیدای سێبەرە
دە توخوا وەرە..
با سەرابەکان ببن بە شەتاو
درەخت سەر بکا بە کۆشی هەورا..
هاژە بێتەوە ناو چەمی سووتاودە توخوا وەرە..
لە تینوێتیدا..
هەور خنکاوە
لوتکە بێ بەفرە
درەخت سووتاوە
دە توخوا وەرە..
دڵ نوقمی ئەشکە.. مەرگ چاوەڕێمە..
خاکێکی سووتاو مەزار و ڕێمەبا بگەڕێمەوە بەرەو جیهانی سەوزی مناڵی
با هەست بە بۆسۆی پرچی سووتاوی ڕۆژەکان نەکەم..
نەڵێم.. ئەو ڕۆژە سەختانەم دیوە
بەهاران جارجار چەپکێ گوڵاڵە
بگرمە دەست و بە دایکم بڵێم
ڕاستە گوڵاڵە خوێنی شەهیدە؟
تەرمی شەهیدم هێشتا نەدیوە
کە تۆ هاتیت و مناڵ بوومەوە..
دەمەو ئێواران مەلی سەرنجم..
لە داوی تیشکی زەردە.. دەئاڵێ
خۆرم لێ ئەبێ بە تۆپێکی سوور یان پرتەقاڵێ
بە دایکم ئەڵێم.. ئەچمە سەر لوتکە و ئەیگرمە باوەش
خۆر ئەهێنمە ژوورەکەمەوە..
چرامان ناوێ شەوی تار و ڕەشدە توخوا وەرە..
با سەرابەکان ببن بە شەتاو
درەخت سەر بکا بە کۆشی هەورا..
هاژە بێتەوە ناو چەمی سووتاو