hana

êsta.. minî win le temumjî řeşî ẍurbeta
gełay dirextî gyanim hełwerî..
lenaw biłêse û giřî meynetade tuxwa were..
byabanî diłim.. tînwî kanyaw - şeyday sêbere
de tuxwa were..
ba serabekan bibin be şetaw
dirext ser bika be koşî hewra..
haje bêtewe naw çemî sûtawde tuxwa were..
le tînwêtîda..
hewr xinkawe
lutke bê befre
dirext sûtawe
de tuxwa were..
dił nuqmî eşke.. merg çaweřême..
xakêkî sûtaw mezar û řêmeba bigeřêmewe berew cîhanî sewzî minałî
ba hest be bosoy pirçî sûtawî řojekan nekem..
nełêm.. ew řoje sextanem dîwe
beharan carcar çepkê gułałe
bigirme dest û be daykim biłêm
řaste gułałe xwênî şehîde?
termî şehîdim hêşta nedîwe
ke to hatît û minał bûmewe..
demew êwaran melî serincim..
le dawî tîşkî zerde.. de’ałê
xorim lê ebê be topêkî sûr yan pirteqałê
be daykim ełêm.. eçme ser lutke û eygirme baweş
xor ehênme jûrekemewe..
çiraman nawê şewî tar û řeşde tuxwa were..
ba serabekan bibin be şetaw
dirext ser bika be koşî hewra..
haje bêtewe naw çemî sûtaw