xokuştin

ay.. key bê çeqoy jêr serîneket..
le qułpî xwênta germ bêtewe?
yan mirdin bimrê û le jûreketa..
hewrî xokuştin biřewêtewe?ke nîweşewan.. hana bo merg.. mergî xom ebem
řuxsarêkî kał.. le dûrewe dê.. kał her wekû tem
heta dê tox û toxtirîş ebê..
lepřa ełêm.. ay.. xo hatuwe!
serî nawete ser pencerekem
zerde eygirê û
zor bexamoşî.. le sîmay mirdûm.. wird ebêtewe..
minîş çeqoke eşarmewe..
nefret le bîrî xokuştin ekem
pêy dełêm.. gyane.. agir le gyanî tezîwim berde..
ba dił û sîney piř le azarim let û pet nekem
zerde eygirê û
ke hengawêkîş berew řûy denêm..
becêm ehêłê..
sîmay kał.. kałtir.. kał debêtewe
dîsan jûrekem keyl ebêtewe le zayełey goř..
hezaran tabût.. lenaw çawanma.. exulêtewe
le tem û mija.. pel dehawim û
carêkî tirîş hana bo çeqo řeşeke ebem..
çend satêk naba.. ber lemirdinim.. degeřêtewe
sîmay tox.. toxtir.. tox ebêtewe
serlenwê destim sard ekatewe
kuştinî xomim bîr debatewe