pełkerengîney honraweyek

ew kitêbey şeytan le řojî yekemî heftekeda
le çawî sûrî estêre şînekeda
bo ademî egirtewe
kitêbê bû: nehênîy beheştî le xwa
neşardewe
darsêwî nekird be jałe
le kanîy naw dem û memkî řûnî «ḧewaKesy»
nexwardewe
bełam, encam řîswaş kira!
legeł bûnma, geray mirdinîşim pê bû
řêy gořekem:
le bêşkewe çawim lê bû
emirim bo ewey bibmewe
carêkî tir bo naw lankey
- bûn - biçmewe!
baran, le janî bexşînî hewrdaye
genim, le zamî hawînî zewîdaye
serbestî le: kifnî mergî şehîdaye
wişeş lay min:
le řaçenînî azarî řastîdaye.
leser banî demmanewe
dezûy çawman,
be piştawpişt
bo kolarey dirokanman berełła kird
dezû piçřa
kollareman leser tûtiřk gîrsayewe
dem û danîşman le ḧewşey
xełkî tira, hênayewe.
wityan: piley termometrî
germay şarî sileymanîCih
le sermana
lenaw xaney sifra egrîy.
betenya min lew kateda
lenaw jûrî memkekanya
germam bo xaney sedhemî
termometrî leşim efřî.
nawnîşanman:
şarî: pare.
geřek: dehoł.
şeqam: tełe.
kar: mamostay waney hełe.
qutabxane: bawkî diro.
arezû: paşqul lêgirtin,
legeł řya gořînewe
temen: beqed minnareke.
telefunman behoy «beddaley» keřewe
nawî tewaw: şemmey kuřî yekşemmey, dûy
sêy, çwarî, pêncî, «heyînî»ye!
yasa waye
«serokî dewłetî bimrê,
beydax hetakû nîwey dar da’egîrê
gyane, ke toş paytextî xoşewîstîy min
cê ehêłî
beydaxî hełbestekanim
nek ta nîwey darî diłî çaweřwanî
her tewaw girmołe ekirê.
nîştimanî wişekanim ẍerîbîye
ałay: şêwe û řengî nîye
řêgey: xwênî hełgîrsawe
şaxekanî: kasey serî şehîdane
pesaportî: řeşebaye
serbazekanî: qełemî birsêtîye
bergî berî: çoẍey agir û sermaye
xoşewîstî: serçaweye
sinûrî: naw diłî xwaye
werzekanî: hemûy nawî ḧuzeyrane!