çeqoy «malûm» û kêrdekey şeytan
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
955 Dîtin
çeqoy «malûm» û kêrdekey şeytan
ta xwên biřêjin, tîjin, bê «hesan»
zortir le řojî mubarekdaye
em pyaw kuştine û şeř û heraye
matemî gewrey nozdey řemezan
birîndar kira ke şêrî yezdan
«’elî» «la feteyErebî»y «bedir» û «ḧuneyn» bû
hem babî ’îlim û babî «ḧuseyn» bû
êşî birînî ew hêşta mawe
birîn le leşî îman kirawe
eme teqdîrî ezelîy xwaye
lewlawe destî şeytanî tyaye
eme esasî dewrî cîhane
ke nełên kesî tya şadmane
le layêkewe pyaw pyaw ekujê
mayşewe bira xwênî emjê
dwênî «şêx ẍezban» le ḧîlle herwa
biray xoy kuştî be nay nařewa
xoy û kuřêkî û jin û mindałî
kuşt û agirî berdaye małî
îrsî «qabîle» pêman biřawe
be dîmuqratî karman tewawe