وێنەکەم هەڵبگرە کوردە، با ببێ بۆ یادگار
از کتاب:
گوڵاڵەی مەریوان
اثر:
قانع (1898-1965)
1 دقیقه
998 مشاهده
وێنەکەم هەڵبگرە کوردە، با ببێ بۆ یادگار
با بمێنێ یادگارم، پاشی خۆم بۆ رۆژگار
کوردە ئەم سەرمە سەرێکە! پڕ لە سەودای نیشتمان
چاوەکانم بۆ کزیی کوردانە ئەشکی دێتە خوار
ئەم دەمەم هەر ئەو دەمەس، هاواری هۆزم پێ ئەکرد
گوێم هەر ئەو دوو گوێیەیە، ئەیبیست سەدای گریان و زار
دەستەکانم هەر بە ئاهـ و ناڵەوە ئەمدان لە یەک
گەهـ لە تەپڵی سەرمەدان و گاهێ سینەی پڕ جەخار
پەنجەکەم ئەو پەنجەیە، کاتێ کە پێنووسی ئەگرت
شێعری کوردیم پێ ئەنووسی، هەر لە یەک هەر تا هەزار
دڵ هەر ئەو دەنکاڵە گۆشتەس دایما پڕ بوو لە زوخ
جەرگەکەم چەشنی کەبابە بۆ کزیی کوردی هەژار
لاقەکانم هەڵگری لاشەی زەبوون و پڕخەمم
یا بە شوێن نانا ئەڕۆیین، یا لە دەست دوژمن فیرار
«قانعاتخلص» ئەم دەردیسەریە هەر بە تەنیا تۆ نەبووی
ئیشی هەروا داخ و دەردە، چەرخی کۆنەی ڕۆژگار