یاری نازدار
از کتاب:
گوڵاڵەی مەریوان
اثر:
قانع (1898-1965)
1 دقیقه
747 مشاهده
فیراقی یاری نازدارە ئەساسی بێقەراریمە
خەزانی عومری بێمایەم لە فەسڵی نەوبەرهاریمە
فەلەک وا تەفرەقەی کردم لەسەر جێگە و مەقامی خۆم
نە هەر جارێ کە ئەم جارە ژمارەی سەد هەزاریمە
زەمانە وا چرای بەختی کوژانوومۆ بە یەکجاری
ئەڵێ تۆشەی قەبرسان و شەوی جومعەی مەزاریمە
لە تاریکی خەم و دەردا سروشکم ڕێ بە کۆش نابا
بە واژوونە بەسەر شانا فوارەی ئەشکباریمە
ئەگەر وەعدەم بە مەحشەر پێ بدا دولبەر گەلێ شوکرم
لەسەر پردی سیراتیشا خەیاڵی ئینتیزاریمە
بە هیجرانت ئەگەر قەتڵم نەکەی بێ میننەتە ئەی شۆخ
لە وەسڵا ڕۆح ئەبێ پێشکەش بکەم گەر لافی یاریمە
پەیاپەی بەندی دڵ دەردێنێ، خۆیشم قەت لە خۆ ناگەم
کە چون من دائیمەن مەیل و خەیاڵی سەنگساریمە
تەنەببوهـ گەر نەبم هەرگیز مەکەن مەنعم بە زەخمی دڵ
بە دینم قانعاتخلص عەینەن نیشانەی کوردەواریمە