کە من خەمخۆری یارانم یەقین قەت خەم بە با نادەم
از کتاب:
گوڵاڵەی مەریوان
اثر:
قانع (1898-1965)
1 دقیقه
574 مشاهده
کە من خەمخۆری یارانم یەقین قەت خەم بە با نادەم
وەکوو تووتی شەکەر خۆرم چ مەیلی خۆم بە کا نادەم
وەکوو جێ پێ بەبێ بان و دەر و دیوارە کاشانەم
کەلاوە کۆنی وێرانەم بە قەسری پادشا نادەم
کە من ئوستادی سەرمەشقی وەفادارانی عالەم بم
دڵی خاوێن و بێ کینەم بە زوهدی پارسا نادەم
منی بوڵبوڵ بناڵێنم لە کوردستانەدا بۆ گوڵ
شەهادەی مەکتەبی عشقم بە ئیمزای ئەوروپامکان نادەم
لە گۆشەی زاوییەی خەمدا بگریەم بۆ بەجێ ماویم
دوڕی فرمێسکی گریانم بە لوئلوئی شەوچرا نادەم
دڵی خونچەی نەپشکوتم لە سینەی تەنگ با تەنگ بێ
هەناسەی عەتری ئەفکارم بە سروەی بای سەبا نادەم
ئەیا ئەی عاشقی فلس و فیداکاری مەڕ و مێگەل
بزانە قەدری مەعنای خۆم بە پارەی ناڕەوا نادەم
ئەوا پاراوی جەرگم کرد بە یەکجاری لە خوێنی دڵ
شەرابی خوێنی خۆم قانعتخلص بە بیرەی بێ بەها نادەم