ئەی دڵبەری
از کتاب:
گوڵاڵەی مەریوان
اثر:
قانع (1898-1965)
1 دقیقه
929 مشاهده
ئەی دڵبەری قەد عەرعەری سەرداری هەموو شۆخ
مەحبووبی هەموو عالەم نازداری هەموو شۆخ
یەک نوکتە لە ئەسراری نەزاکەت بنوێنە
وەک بەختی ئەمن ڕەش بکە بازاڕی هەموو شۆخ
تۆ دڵبەری عەییاری لە بازاڕی تەماشا
باجگیری لە هەر سەڵتەنەت و باری هەموو شۆخ
تیری نیگەهی چاوت ئەگەر مەیلی عەدەم بێ
وێرانی ئەکا یەک نیگەهت شاری هەموو شۆخ
ئوستادی قەدەر ڕەسمی قەدی تۆیە لە دەسیا
بۆیە کە وەها لەت لەتە پەڕگاری هەموو شۆخ
زوانەی گڕی دووریتە دڵ و جەرگمی سووتان
بێ باکە دڵم بۆ شەڕەی ناری هەموو شۆخ
مەستانە سیفەت ڕوو ئەکەمە چۆڵ و بیابان
خۆم دوور ئەخەمۆ ئەمڕۆ لە ئاساری هەموو شۆخ
بێ تامە برا شیعری من و نیکتەیی قانعتخلص
بازاڕی نەما دەفتەر و ئەشعاری هەموو شۆخ