چۆنە جەژنەکەت؟

از کتاب:
چوارباخی پێنجوێن
اثر:
قانع (1898-1965)
 1 دقیقه  521 مشاهده
جەژنەکەت پیرۆزە کوردە یاخۆ شین و زارییە؟
سەرخۆشی کوردە لە جەژنت یاخۆ دەردت کارییە؟
پڕشنگی خوێناوی جەرگە یا گوڵاڵەی ئاڵ و واڵ؟
پیرەمەگروونمکانت سەراسەر قرمز و گوڵنارییە؟
جەژنەکەت کەی جەژنە کوردە جێگە ڕاوی ڕۆستەمت؟
ئێستە جەولانگاهی غەیرە و دوژمنی خونخوارییە؟
سەرخۆشم ئەمڕۆ بەبانگی بەرز ئەڵێیم ئەی هۆزی کورد
جوولەکەیش جەژنی فەقیری خۆی ئەکا بێ عارییە؟
کەی ئەوە جەژنە بە دیدەی پڕ لە ئەشک و ئاهی دڵ؟
تک تکی فرمێسکی چاوت یەک لەسەر یەک جارییە
گەر بە تەنها چێشتە جەژنت، سەد کەڕەت خوا بێبڕێ
جەژنی ئازادی مەراممە و مەنهەجی بەدارییە
قانعاتخلص پیرۆزە جەژنت چوونکوو ئەمڕۆ لاوەکان
یەک بە یەک چاتر خەریکی خوێندن و هۆشیارییە