نیشتیمان
از کتاب:
دیوانی عوسمان عوزێری
اثر:
عثمان عوزیری (1936-1966)
1 دقیقه
778 مشاهده
نیشتیمان هەر تۆی ئاواتی ژینم
تۆی هێزی ئەژنۆ و دڵەی بێتینم
بەڵام داخەکەم من لە تۆ دوورم
وا بۆت کوێر ئەبێ چاوی پڕ نوورم
ئاخ خۆزگە ئێستا بە چەپڵەڕێزان
لەسەر گیای سەوزت تێر خۆم ئەگەوزان
ئەمڕوانی بەسەر چیا و دۆڵ و دەشت
تێر لە گوڵانتا بە سەیران و گەشت
ئەمنۆشی هەوای بۆنخۆشی پاکت
بۆنم ئەکرد تاقە گوڵەی تاک تاکت
ئیتر ئەو کاتە ڕۆحم دەرچووایە
چەند خۆش بوو لەسەر ئەو سەوزەگیایە
پیشۆکی تۆ بوو لەگەڵ گوڵاڵەت
وەنەوشە و چیمەن پرچی هەڵاڵەت
لەسەر تەرمەکەم پەلکیان ئەپەخشان
گۆڕم لەسەر تۆ سەوزی ئەنەخشان
مردنی وا خۆش بەختی کەس نابێت
لەناو نیشتیمان گیان بەڕەڵا بێت