ئەبم مەست
از کتاب:
ئاشنایی و ڕۆشنایی
اثر:
علی عارف آقا (1910-1996)
1 دقیقه
417 مشاهده
بە بادەی سادە کاتێ من ئەبم مەست
لە مێشکما ئەجووڵێ زوو بە زوو هەست
لەبەر چاوم هەموو شت جوان ئەبینم
بە شادی خۆی ئەگا بێشک دڵی پەست
ئەوەی دەمویست و زۆر دوور بوو لە دەستم
بە ئاسانی هەموویم دێتە بەردەست
هەزار تانەم کە لێدەن خزم و یاران
کە بەم تانە و وتانە نیمە دەربەست
بەڵام لەم کاتە گەر یار لێم بڕەنجێ
ئەگاتە ناخی دڵ خێرا غەمی خەست