بە بۆنەی لە دایکبوونی «نەورۆز»ەوە وتراوە
از کتاب:
بەرهەمی خاوێن
اثر:
علی عارف آقا (1910-1996)
1 دقیقه
664 مشاهده
لە نۆزدەی هەزار و نۆسەد و حەفتا
نەورۆزی نازدار هاتۆتە دنیا
کاتی هاتنی خێر و شادی بوو
گەورەترین مژدە بۆ ئازادی بوو
سەرەتای خۆشی بەزمی بەهار بوو
دەمی زەمزەمەی یار و دیار بوو
ترس و ناخۆشی کۆچی کرد لە شار
مۆدەی بەسەر چوو ئازار و کوشتار
ئۆخەی سەد ئۆخەی نەورۆزی شیرین
هەر جیلوەدەر بی لە گوڵزاری ژین