ڕۆژ هەڵات ئەستێرە ون بوو کوێرە چاوی شەبپەڕە
از کتاب:
دیوانی سابیری
اثر:
صابری (1881-1944)
1 دقیقه
492 مشاهده
ڕۆژ هەڵات ئەستێرە ون بوو کوێرە چاوی شەبپەڕە
عوشرەتی سیمورغ و بازە شینی زاغ و سەرگەڕە
لەو مەقامە جۆششی گریان و زاریی عاشقە
بێ ڕەواجە ئاگری نەمروود و ئاوی باسەڕە
من کە تینووی دولبەرم ئاوی حەیاتم بۆ چییە
دڵ زەعیفم کەی عیلاجم قەند و بادامی تەڕە؟
ئەووەلەن تەشخیسی دەرد و بەعد تەرکیبی دەوا
وەرنە کەی ڕاحەی قەوی دەبڕێتەوە پشتی هەڕە!
سەبب و ئەسباب و عەلاماتی نەخۆشی تێبگەی
شەربەتی تۆ تیغی بوڕڕان و مەرەز ترپی تەڕە
ئەی مودەڕڕیس تۆ لە دەرسی عەشق تەحسیلێ بکە
تابەکەی زيد علىٰ سطحعربی عەلی حەرفی جەڕە
موعجیزاتی موڕسەلین و مەوعیزەی ئەعلامی دین
زکرییان زاکیر دەگێڕێ وەک تەشیلە و فڕفڕە
یەعنی ئاگاداری دونیا و نەفس و شەیتان بن هەموو
خەسمی باباتانە ئەم دوونە ئیمارە و بەدفەڕە
ئەو کەسە ئەحواڵی عاشق تێدەگا شەو بێ خەوە
لێوی ویشک و ڕەنگی زەرد و دائیمەن چاوی تەڕە
حاشاللهعربی قەند و گوڵ ئەمر و بدا تەسکینی دڵ
چونکی شەوتامە دڵم موشتاقی عەنابی تەڕە