حیکمەتی دەرکەوتن و ون بوونی خۆر و شەبپەرە
از کتاب:
دیوانی سابیری
اثر:
صابری (1881-1944)
2 دقیقه
525 مشاهده
حیکمەتی دەرکەوتن و ون بوونی خۆر و شەبپەرە
ئەم خوداپێداوە، ئەو بێ تالع و ئاخر شەڕە
تاج و تەخت و نیعمەتی بەخشی بە پاشا زولجەلال
شەو لە برسا ناخەوێ دەروێشی بێ لێفە و بەڕە
داری توو هەردوو بە یەک ئاب و زەمینێ سەوز ئەبێ
داری تۆ بەردار و خۆ بەر داری ئێمە تووی زڕە
هەردوو هەنجیرن ئەگەر کێویلە گەر هەنجیری باغ
ناوی شاهەنجیرە باغی ئەو تریش کێوی و کەڕە
مەڕمەڕم دی بێ گوناهـ وەستا فڕێی دایە خەلا
مینەر و میحڕابی مزگەوتیش ئەکا لەو مەڕمەڕە
باز بە ناز گۆشتی قەڵەو ئەخوا بە دەستی شاهەوە
پاشماوەی گورگ و سەگ خۆراکی زاغ و سەرگەڕە
ئەهلی دین حەرفی جەڕە شەیتان کە بەو مەجڕووڕ ئەبێ
حەسرەتا ئێستا کە تۆ مەجڕووڕی ئەو حەرفی جەڕە
دڵ کە حەوزی فیکری خوا زیکری زوبانە جۆگەلەی
حەیفە بۆتە جێ گەلە، زیکریش هەموو بزن و مەڕە
دڵ کە حەوزی ڕەحمەتە زیکری زوبانە جۆگەلەی
دڵ کە بۆتە جێی گەلە زیکری زوبان بزن و مەڕە
ئەو خوداناسانە وا تەوعیزی ئەجناسیان دەکرد
ئەکسەری ئەولادییان ئێستاکە زۆر ناباوەڕە
يا الهي فتحي بابيعربی نیمە تابی سێ عەدوو
ئەووەلەن مەندووب و سانی جۆرج و سالس مێجەرە
حەق تەعالا حەزرەتی نووحی لە تۆفان دا نەجات
غەرق ئەبێ وەک پسەری، بێ شک کەسێ ناباوەڕە
نەوعی لوقمان و ئەرەستوو بۆ عیلاجم مات ئەبێ
تۆ دەڵێی پوستەی عەسەل دەرمانی بەرگ و پارە
عەشق نازانێ وجوودی ئاگر و تۆفانی چەرخ
ئەی برادەر گەر بە ئیبڕاهیم و نووحت باوەڕە
قەت غەمی مەرگت نییە هەر هەوڵی نان و بەرگتە
عومری گەنجی تێپەڕی، تێپەڕ نەبووی لەم لاپەڕە
شەو تەواوبوو سابیریتخلص گریانی تۆ نەبڕایەوە
هەڵسە وەختی بانگ و نوێژە بۆ جەماعەت ڕاپەڕە!