ئەی نووری ڕوویی پاکت خۆراک و بەرگی ناسە
از کتاب:
دیوانی سابیری
اثر:
صابری (1881-1944)
1 دقیقه
830 مشاهده
ئەی نووری ڕوویی پاکت خۆراک و بەرگی ناسە
شەمس و قەمەر زیایان لەو نوورە ئیقتیباسە
هاواری ڕووت و برسی، ئاڵایە عەرش و کورسی
ئیحسانە گەر بپرسی، ئەسبابی ئەم ئەساسە
عالەم کە نیوەسووتە، سووتاوی شەمعی ڕووتە
عینوان و ئارەزووتە، بێ حوڕمەت و کەساسە
سەر بێنە باڵەخانە، غەوغایی عاشقانە
خورشید و مانگ نیهانە، بە دووکەڵی نەهاسە
عاشق دڵی برینە، هەناسەی ئاگرینە
شەو خەوتنی گرینە، بە ڕۆژ خۆری لیباسە
عاشق بە سۆز و گریان، دێوانە ڕووت و عوریان
ئازار و دەردیسەریان، ئاسایش و کراسە
فەرموودەیی حەکیمە، هەرکەس دڵی سەقیمە
موعالەجەی عەقیمە، تا ئاخری هەناسە
ناس ئینتیزارە دائیم، میسلی ئازانی سائیم
بۆ دەفعی لەومی لائیم، جارێ بڵێ چ باسە؟
هەرکەس بچێتە مەکتەب، ئاخر ئەگاتە مەتڵەب
سابیرتخلص ئەگەر موخاتەب، پیری خوداشوناسە