دڵ نەخۆش و زامداری دەردی یارم ڕۆژ و شەو
از کتاب:
دیوانی سابیری
اثر:
صابری (1881-1944)
2 دقیقه
468 مشاهده
دڵ نەخۆش و زامداری دەردی یارم ڕۆژ و شەو
گریە و شینە لەباتی کەسب و کارم ڕۆژ و شەو
ڕۆژ و شەو دێنن خەیاڵی حوسن و زولفی بۆیە وا
بێ قەرار و غوسسەبار و بێ ویقارم ڕۆژ و شەو
یا بە ئوممێدی ویسالم یا لەبەر دەردی فیراق
وا دەمێ شاد و زەمانێ بێقەرارم ڕۆژ و شەو
ڕۆژ و شەو تەفسیری ئایەی حوسن و زولفی یار ئەکەن
وا گەهێ فەرهاد و گەهـ مەجنوونەوارم ڕۆژ و شەو
شەو لەبەر عیدی ویسال و ڕۆژ لە ئازاری فیراق
خواب و خۆراکم نییە سەبر و قەرارم ڕۆژ و شەو
پێی وتم مەگری کە ئازاری دڵت ساکین ئەبێ
هاتە سوێ کۆنەبرینی ساڵی پارم ڕۆژ و شەو
لەو دەمە لەفزی کە جاری بوو، لە چاوم سەدهەزار
جۆگەلەی خوێن جارییە، بەحر کەنارم ڕۆژ و شەو
خۆی نواند و لێوی گەست و لێم بزربوو لوجئەتەن
فەتحی کرد و ڕۆحی برد و غوسسەبارم ڕۆژ و شەو
دەستی نایە سەر دڵم پرسی لە ئەسبابی مەرەز
تێگەیی وا لێدەدا نەبز و دەمارم ڕۆژ و شەو
خۆ لەناو ئاوێنە وا مەعلوومە دەرد و عیللەتم
ئینتیزاری ڕەحمەت و دەرمان و چارم ڕۆژ و شەو
چاوی ئاڵۆزە برۆی جووڵانەوە لێوی گەزی
پەنجە دەبزێوێ شوکر مەستە خەسارم ڕۆژ و شەو
چاوەڕێمە چونکە وەعدەی ڕۆژی وەسڵی دا شەوێ
وا بە دائیم کاتیبی لەیل و نەهارم ڕۆژ و شەو
شەو لەبەر جەژنی ویسال و ڕۆژ لە ئازاری فیراق
خواب و خۆراکم نییە وەڵلاهی یارم ڕۆژ و شەو
شەو کە دەنگی هەلهەلەی دڵ هات و سابیرتخلص ڕاچەنی
خۆ بە بێ حیکمەت نییە وا ئینتیزارم ڕۆژ و شەو
سابیریتخلص لەوساوە ئەو دڵدارە وەعدەی داوە پێم
ئینتیزار و کاتیبی لەیل و نەهارم ڕۆژ و شەو