ڕۆژێ کە نەبینم قەمەری ڕوویی دلارام
از کتاب:
دیوانی سابیری
اثر:
صابری (1881-1944)
1 دقیقه
917 مشاهده
ڕۆژێ کە نەبینم قەمەری ڕوویی دلارام
ڕۆحم لە جەسەد دەرچووە بێ شک لە دڵ ئارام
لەیلی کە لە توێی خەیمەوە تیرێکی لە من دا
لەو ڕۆژەوە مەجنوون سیفەتم مائیلی سەحرام
چاوی بە ئیشارەت تەڵەبی کردمە قاپی
حاجیب بە حیقارەت دەریکردم وەریگێڕام
بەو ناوکی موژگانی بە ئەبرۆیی کەوانی
وەققاسی زەبوون کردووە هەم ڕۆستەم و بەهرام
ئەو ڕۆژە ئەگەر ڕوو بنوێنێ لە شکارا
ئاهووی لەڕ و شیری نەڕ و وەحشی ئەبن ڕام
بیستوومە سبەی دێتە سەرینم بە تەبابەت
ئەمڕۆکە سولەیمانم و ئەسکەندەر و دارام
لەوساوە سەناخوانی تۆ وا بۆتە وەزیفەم
سەد شوکری خودا کافییە بۆ وەجهی ئیدارام
عومرێکە لە ڕێگای سەفەر و کەعبەیی ڕووتم
وەستاوم و بەستوومە لە تەوافی تۆ ئیحڕام
لەوساوە جگەر خەستەیی شمشێری برۆتم
بڕوا کە غەم و دەرد و بەڵا نایەتە ئارام
سوونی غەمی تۆ گەندومی دڵمی بە تەلەف دا
نانی غەزەلم شاهیدە بێ قووەت و بێ ڕام
هەرچەندە کە سابیرتخلص نییەتی خزمەت و تاعەت
ئەمما بۆ دوعاخوانیی ئەو دولبەرە خێرام